Frá plöntuskiptidegi á Selfossi á síðasta ári.

Plöntuskiptidagur Garðyrkjufélags Árnesinga verður í Tryggvagarði við Austurveg á Selfossi, sunnudaginn 26. maí frá kl. 13:00 til 15:00.  Á 128 ára afmælisdegi Garðyrkjufélags Íslands.

Mottóið er: Planta á móti plöntu, einnig verður hægt að kaupa plöntur á vægu verði.

Ef félagar eiga umfram fræ eða útsæði, þá er upplagt að skipta á því. Einnig verður skiptimarkaður / nytjamarkaður fyrir notaða potta, gróðurílát, garðverkfæri, garðaskraut, bækur og allt sem tillheyrir garðyrkju.

Allir velkomnir.

Plöntuskiptidagur er einn vinsælasti dagur ársins, allir græða!

Hinn árlegi plöntuskiptidagur félagsins verður laugardaginn 1. júní frá kl. 10:00 til 12:00 í Grasagarði Reykjavíkur, á grasflötinni áður en komið er að Kaffi Flóru. 

Félagar skipta á plöntu gegn plöntu og eru hvattir til að mæta með plönturnar í góðum ílátum frekar en í pokum og helst merktar.  Fyrir þá sem eiga eitthvað annað til skiptana, þá verður einnig nytjamarkaður fyrir það sem má endurnýta, svo sem garðyrkjubækur, potta, verkfæri og annað sem tilheyrir ræktun.  Annað hvort í skiptum eða fyrir litla upphæð.

Kjöraðstæður fyrir smádýr eru í gróðurhúsum.

Aðalfundur Garðyrkjufélags Skagafjarðar verður haldinn fimmtudaginn 16.maí kl. 19:30 á Löngumýri.

Venjuleg aðalfundarstörf. Kaffiveitingar.

Fræðsluerindi flytur Gunnþór Guðfinnsson garðyrkjufræðingur og fjallar m.a. um lífrænar varnir í heimilisgróðurhúsum, um lífræna ræktun og moltugerð.

Fræðsluerindið er öllum opið. Frítt fyrir félagsmenn en 1000 kr fyrir aðra.  

Nýir félagar velkomnir. 

Nýuppteknar næpur eru mjög ljúffengar og tiltölulega auðveldar í ræktun.

Margar spurningar vakna þegar ætlunin er að hefja matjurtarækt.  Hvað þarf garðurinn að vera stór? Hvað eiga beðin að vera stór? Hvernig á að undirbúa moldina? Hverju á að sá og hversu miklu af hverri tegund? Á að forrækta? Hvenær á að planta út?

Brynhildur Bergþórsdóttir formaður matjurtaklúbbs Garðyrkjufélags Íslands heldur fyrirlestur miðvikudaginn 15. maí kl. 19:30 í  Leifsbúð í Búðardal Erindið nefnir hún “Fyrstu skrefin á matjurtarækt”

Fræðslukvöldið er samstarfsverkefni Dalabyggðar, Matjurtaklúbb Garðyrkjufélags Íslands og Garðyrkjudeild Dalabyggðar.

Verð fyrir félagsmenn GÍ og GD kr. 500,- en fyrir aðra kr. 1.000,-

Allir velkomnir.