24. ágúst 2010

Hjálmlauksbaka

Hjálmlauksbaka

Deig.

150 g smjör

2 dl hveiti

1 og ½ dl heilhveiti

½ tsk salt

½ dl súrmjólk

1 egg til penslunar

1.      Myljið smjörið í hveitið. Bætið súrmjólk útí og salti og hnoðið létt saman. Setjið í kæli í a.m.k. 30-40 mín.

2.      Fletjið út deigið og setjið í form 25 sm á stærð. Það má líka fletja svo þunnt að deigið dugi í tvo botna.

3.      Pikkið botninn með gaffli og gott er að setja farg úr baunum eða hrísgrjónum  ofan á til að botninn aflagist síður.

4.      Pennslið Penslið með þeyttu eggi og bakið í um 10-15 mín. við 225 gráðu hita. Kælið ögn í forminu.

Fylling

10 stk. hjálmlaukar (Stöngull með lauk)

2 msk smjör

1 msk hveiti

2 dl rjómi

1-2 eggjarauður

2 dl rifinn ostur

Salt, hvítur pipar og múskat.

1. Hreinsið hjálmlaukana og skerið í 1-2 sm bita og sjóðið í 2 dl af vatni, 1 tsk af salti og 1 msk af smjöri við vægan hita. Síið laukana vel og geymið soðið.
2. Bræðið 1 msk af smjöri og hrærið hveiti út í og látið krauma um stund. Blandið varlega útí soðinu og rjóma þannig að sósan sé frekar þykk.
3. Takið pottinn af hellunni og hrærið eggjarauðu og osti útí. Kryddið og setjið hjálmlaukana útí og hellið fyllingunni í tertubotninn. Bakið í ofni við 225°C  þangað til yfirborðið er gullið.

Berið fram með góðu salati t.d. tómatsalati.

Jón Guðmundsson

Til baka

yfirlit uppskrifta