 |
||
 |
|
|
 |
||
|
||
 |
||
|
||
 |
||
|
||
 |
||
|
||
 |
|
 |
|
 |
|
|
|
|
|
||
|
|
|
|
|
|
14. febrúar 2011 | ||
Fréttir frá Sumarhúsaklúbbi | ||
Aðalfundur sumarhúsaklúbbsins var haldinn í Spírunni í Garðheimum fimmtudaginn 10. febrúar. Mæting var góð, þrátt fyrir vonskuveður og mikill áhugi er fyrir starfi klúbbsins. Þær Ingibjörg Magnúsdóttir og Súsana Björk Torfadóttir gengu úr stjórninnni, en í þeirra stað gáfu kost á sér þau Þröstur Þorsteinsson skógarvörður á Hellissandi og Edda Magnúsdóttir matvælafræðingur úr Reykjavík. Þau voru kosin með lófaklappi. Formaður er Agnes Hansen. Það var rólegt yfir klúbbnum árið 2010, en ýmislegt er á döfinni árið 2011. Fundarmenn ræddu um ýmsa viðburði sem stjórninni var falið að boða til. Fyrsti viðburðurinn verður fræðslufundur 2. mars n.k., en þar mun Baldur Gunnlaugsson fjalla um matjurtagarða á sumarhúsalóðum. Ákveðið var að fara í sumarferð um Borgarfjörðinn laugardaginn 23. júlí og er félagsmönnum bent á að taka daginn frá. Nánari dagskrá verður auglýst þegar nær dregur. Þá var ákveðið að fara í haust og skoða skógrækt á Hellissandi og safna þar trjáfræi undir leiðsögn skógarvarðarins, Þrastar Þorsteinssonar. Þá var einnig samþykkt að kanna áhuga félagsmanna á námskeiði í grjóthleðslum. Þegar aðalfundarstörfum var lokið skoðuðu fundarmenn frælista GÍ og báru saman bækur sínar um ræktunina yfir kaffibolla.
| ||
| ||
Agnes Hansen | ||
