15. október 2009

Hvaða fræ eru þetta?

Fræbelgur, væntanlega af trjábóndarós.

Þegar ég fer út að ganga með hundinn á ég það til að kíkja í garða sem verða á leið minni.  Í kvöld gekk ég framhjá óvenju fallegum garði, þ.e.a.s. ég hef gengið framhjá þessum garði næstum á hverjum degi í mörg ár og oftast stoppað eða hægt á ferðinni til að njóta dýrðarinnar sem er síbreytileg.  Það sem vakti athygli mína í kvöld var hálfvisin planta á lóðamörkum með fræhirslum sem eru í laginu eins og blóm með 5 krónublöðum.  Þegar ég kom heim var ég með nokkrar fræhirslur í vasanum og eitt máttllaust lauf í hendinni.  Ég get ómögulega munað hvernig þetta fjölæra blóm leit út í sumar. Laufið er með löngum mjóum flipum og plantan er ca. 40-50 cm há.  Mér finnst endilega að ég eigi að vita hvaða blóm þetta er.  Mér datt í hug bóndarós, en laufið passar ekki við bóndarósirnar í mínum garði.  Sendi tvær myndir til skýringar.  Getur einhver  frætt mig um hvaða blóm þetta er?

Kær kveðja, Margrét

Ath.  smellið á titil fréttar til að sjá alla fréttina. -  Einnig nánar undir liðnum umræður/ spjall. 

Fullþroskuð fræ af trjábóndarósinni við Frakkastíg. Fræ af henni hafa áður verið á frælista félagsins og verða greinilega aftur í vor. Eins og sjá má á myndinni eru fræin nokkuð stór.

Í árg. 2008 af Garðyrkjuritinu er grein um trjábóndarósina við Frakkastíg.

Hundurinn Ægir situr hjá umræddri plöntu, sem trúlega er trjábóndarós.

 

Blað og fræbelgir af umræddri plöntu. Sjá nánar undir liðnum Umærður/spjall hérna vinstra megin á síðunni.

 

Til baka

yfirlit frétta